Bir dilde ki zâhir ola envâr-ı Muhammed

Zâhir görünür çeşmine dîdâr-ı Muhammed

Mir'âtı mukâbildeki sûret  gibi hâmuş

Dilden dile menkul olur es'âr-ı Muhammed

Zencir olana cezbe-i Rahmân girer elbet

Sevdâyı hamîs zülf-i seyehkar-ı Muhammed

Elbet olur Allah evi kâşâneni kalbi 

Bir dildeki  takrir ola ikrâr-ı Muhammed

Huccac gibi kâfilelerle çekilirler

Beyt-i Harem-i vuslata seyyâr-ı Muhammed

Gelsin harem-i sîneye pervâne gönüller

Yandı bu gece şem-i şerer bâr-i Muhammed

Sıddîk gibi şems oturur  mak'ad-ı sıdka

Kerrâr gibi her kim olur yâr-i Muhammed